ԱՄՆ Սենատի միջազգային հարաբերությունների հանձնաժողովի կողմից հոկտեմբերի 22-ին ընդունման է պատրաստվում Ռուսաստանի վրա ճնշումը մեծացնելուն ուղղված երեք օրինագիծ: Այս մասին հաղորդում է Axios-ը։
Հանձնաժողովի նախագահ, հանրապետական սենատոր Ջեյմս Ռիշը լրատվական հարթակին հայտնել է, որ հարկավոր է հնարավորին շատ բան անել Ռուսաստանի վրա ճնշում գործադրելու համար։
Ըստ Axios-ի՝ հանձնաժողովը պլանավորում է երեք օրինագիծ ընդունել, որոնք մշակվել են երկու կուսակցությունների կողմից։
Դրանցից մեկում, պարզաբանում է Axios-ը, Ռուսաստանը կճանաչվի որպես ահաբեկչությունը հովանավորող պետություն, մյուսն առաջարկում է տնտեսական պատժամիջոցներ սահմանել Չինաստանի նկատմամբ՝ Մոսկվային աջակցելու համար։
Երրորդ օրինագիծը նախատեսում է ԱՄՆ-ում պահվող ռուսական սառեցված ակտիվների վերաբաշխում, իսկ այնուհետև դրանց փոխանցում Ուկրաինային՝ յուրաքանչյուր 90 օրը մեկ, ասվում է հրապարակման մեջ։
