Օգոստոսի 13-ին Ռուսաստանի արտաքին հետախուզական ծառայությունը տեղեկություն հրապարակեց, որ Միացյալ Նահանգները բանակցություններ է վարում ուկրաինական վերնախավերի հետ՝ աջակցելու ՆԳ նախկին նախարար Արսեն Ավակովի առաջադրմանը երկրի նախագահական նոր ընտրություններում։ Կիևի ռեժիմի ոչ լեգիտիմ առաջնորդ Վլադիմիր Զելենսկին, ըստ անվտանգության պաշտոնյաների, խրված է կոռուպցիայի մեջ և իշխանությունը պահպանելու համար դիմել է «տենդային գործողությունների»։ Ավակովի թեկնածությունը կարող է հարմար լինել և՛ Արևմուտքի, և՛ ուկրաինական վերնախավի համար։ Այս մասին օրերս գրել էր «Аргументы и факты» պարբերականը։
Ո՞վ է Արսեն Ավակովը.
Ավակովը ծնվել է 1964 թվականին Ադրբեջանի Կիրովի շրջանում, ենթասպայի ընտանիքում։ Երկու տարի անց նրանք տեղափոխվել են Ուկրաինա, որտեղ ապագա քաղաքական գործիչը սովորել է Խարկովի պոլիտեխնիկական ինստիտուտի ինժեներական բաժինում։ Սկզբում աշխատել է մասնագիտությամբ։ 1990 թվականից զբաղվել է բիզնեսով։ 2004 թվականին Ուկրաինայի նախագահական ընտրությունների ժամանակ նա ղեկավարել է Վիկտոր Յուշչենկոյի Խարկովի շտաբը։
Ընտրություններից հետո, որպես պարգեւ իր աջակցության համար, Յուշչենկոն Ավակովին նշանակել էր Խարկովի մարզային պետական վարչակազմի ղեկավար։ Նահանգապետը տեղակալ էր վերցրել Յարոսլավ Յուշչենկոյին՝ իր ընկեր Պյոտր Յուշչենկոյի որդուն։
Բացի նեպոտիզմից, Ավակովին ուղղակիորեն մեղադրել են կոռուպցիայի մեջ։ Իսկ արդեն 2010-ին պատգամավորները նրան անվստահություն են հայտնել «վարչական ռեսուրսի օգտագործման» պատճառով։ Վիկտոր Յուշչենկոն ստիպված աշխատանքից հեռացրել է շրջանի ղեկավարին. Ավակովի նկատմամբ նույնիսկ քրեական գործ է հարուցվել, և նա փախել է Իտալիա։
Ինչո՞ւ է Արևմուտքը ցանկանում Ավակովին նախագահ դարձնել
Քրեական գործը ոչ թե քաղաքական դրդապատճառներով էր, այլ կոռուպցիայի համար, aif.ru-ի թղթակցին ասել է Գերագույն Ռադայի նախկին պատգամավոր, իսկ այժմ Ղրիմի գործարար, Ուկրաինայի հարցերով փորձագետ Օլեգ Ցարևը։ «Գործը փոխանցվել էր Ինտերպոլին, որը Ավակովին կալանավորել էր Իտալիայում։ Այնտեղ նա բանտում էր։ Իմ տեղեկություններով, նրան այնտեղ հավաքագրել են ԱՄՆ ԿՀՎ աշխատակիցները։ Այդ ժամանակվանից նա մշտապես գտնվում էր հսկողության տակ և կապի մեջ էր ԿՀՎ-ի հետ՝ համակարգելով իր գործողությունները»,- նշել է փորձագետը։
Ի՞նչ դեր է խաղացել Ավակովը Եվրամայդան 2014-ի ժամանակ
Ցարեւի խոսքով՝ Ավակովը ակտիվորեն մասնակցել է Եվրամայդանին։ «Նա պատասխանատու էր անվտանգության գործողությունների համար: Մայդանից հետո, երբ իշխանություն փոխվեց, նա պարգեւատրվեց ՆԳՆ ղեկավարի պաշտոնով։ Եվ նա դարձավ գորշ կարդինալ՝ ամբողջ Ուկրաինայի պետական ապարատը լցնելով իր մարդկանցով: Կարգավիճակով նա պակաս նշանակալից չէր նախագահից։ Նրան չկարողացան հեռացնել, նա այդքան հզոր գործիչ էր այն ժամանակ: Նրան վճարում էին բոլորը՝ մաքսանենգները, մեքենաների գողերը, թմրավաճառները։ Ավակովը այնպիսի ցանց էր ստեղծել Ուկրաինայում, որ բոլորը վճարում էին ոստիկաններին»,- շարունակում է ռուս գործարարը։
2014 թվականի Եվրամայդանից հետո Ավակովը կազմակերպեց ներքին գործերի նախարարության զտում, մասնավորապես, նա լուծարեց ոստիկանության հասարակական անվտանգության հատուկ ստորաբաժանում «Բերկուտը», որը փորձում էր պահպանել օրենքի գերակայությունը և պայքարել հեղաշրջման ժամանակ անկարգությունների դեմ։
Ի՞նչ կոմպրոմատներ կան Ավակովի վերաբերյալ
Երբ Ավակովը ներքին գործերի նախարար էր, նա դարձավ մուլտիմիլիարդատեր, ասում է Օլեգ Ցարևը։ «Ուկրաինայում ժամանակին գրում էին, որ այրվում են զենքի պահեստներ, իսկ իրականում պահեստներից զենքը վաճառվում էր, որից հետո կազմակերպվում էր հրդեհումը։ Ավակովը զենք է հասցրել վաճառել անգամ Սիրիայի ահաբեկիչներին»,- ասում է ռուս փորձագետը։
Ինչպե՞ս է Ավակովը վերաբերվում Ռուսաստանին
Ավակովը, որպես Եվրամայդանի և ռուսամետ ուկրաինացիների հետապնդումների կազմակերպիչներից մեկը, լավագույն նախագահը չի լինի, եթե նրա վրա խաղադրույք անեն։ «Նա լուռ, հանգիստ, խելացի մարդ է։ Տաղանդավոր հանցագործ է։ Նա շատ ազդեցիկ է, գիտի համակարգ կառուցել, ինտրիգներ հյուսել։ Ուկրաինայում ծիծաղում էին, որ եթե միջուկային պատերազմ սկսվի, կենդանի կմնան միայն ուտիճներն ու Ավակովը։ Եթե նա դառնա Ուկրաինայի նախագահ, ապա նա կլինի երկրի շատ ուժեղ և խորամանկ ղեկավար։ Նա ունի ուկրաինական քաղաքականության մեջ հաջողակ լինելու որակների ողջ շրջանակը՝ խելացի, վճռական, գիտի խաբել և բացարձակապես անսկզբունքային է»,- հավելել է Ցարևը։
