Լեռնային Ղարաբաղում ռուս խաղաղապահ կոնտինգենտի քանակի մեծացման հարց չի դիտարկվում: Այդ մասին լրագրողներին ասել է ՌԴ ԱԳՆ ղեկավարի տեղակալ Անդրեյ Ռուդենկոն, փոխանցում է ТАСС-ը:
Նա նաև նշել է, որ Մոսկվան ակնկալում է, որ իրավիճակը Հայաստանում չի ազդի Ռուսաստանի, Հայաստանի, Ադրբեջանի ղեկավարների` Ղարաբաղի հարցով պայմանավորվածությունների կատարման վրա:
«Մենք չենք մեկնաբանում այլ երկրներում ներքաղաքական իրավիճակը, դա նրանց ներքին գործն է: Ակնկալում ենք, որ Հայաստանում կատարվող իրադարձությունները չեն հանգեցնի իրավիճակի ապակայունացմանը, որը կազդի նաև եռակողմ հայտարարության ճակատագրի վրա»,- նշել է Ռուդենկոն:
