Մենք ակնկալում ենք, որ Ռուսաստանի Դաշնության նախագահ Պուտինի հրավերով ՀԱՊԿ երկրների բոլոր ղեկավարները, ինչպես նաև ազգային ռազմական կոնտինգենտները կմասնակցեն մայիսի 9-ին Կարմիր հրապարակում կայանալիք Հաղթանակի շքերթին։ Այս մասին «Союзники. ОДКБ»-ին հայտնել է ՌԴ ԱԳՆ ԱՊՀ երկրների առաջին վարչության տնօրեն Միքայել Աղասանդյանը:
«1941-1945 թվականների Հայրենական մեծ պատերազմում հաղթանակի թեման միավորող է մեր երկրների համար։
Մենք միասնական ենք մեր տեսակետում, որ անընդունելի է խեղաթյուրել մարդկության պատմության ամենաարյունալի հակամարտության արմատական պատճառները, որը խլեց տասնյակ միլիոնավոր մեր քաղաքացիների կյանքեր, և նսեմացնել Խորհրդային Միության ժողովուրդների առանցքային դերն աշխարհը նացիզմի ստրկությունից ազատելու գործում։ Համապատասխան մոտեցումներն արձանագրվել են անցյալ տարվա նոյեմբերին ընդունված Հավաքական անվտանգության խորհրդի թեմատիկ հայտարարության մեջ։
Նացիզմի վերածննդի դեմ մեր հաստատակամ դիրքորոշումը կիսում է համաշխարհային հանրության ճնշող մեծամասնությունը, ինչն ակնհայտորեն ցույց տվեց 2024 թվականի դեկտեմբերին ՄԱԿ-ի Գլխավոր ասամբլեայի կողմից նացիզմի հերոսացման դեմ պայքարի մասին բանաձեւի ընդունումը»,- նշել է Աղասանդյանը։
