Աբովյանի նախագիծն ընդունվեց

ԲՀԿ պատգամավոր Արման Աբովյանի ներկայացրած նախագիծը, որով առաջարկվում է փորձագետների հավելյալ մեկական հաստիքներ տալ ԱԺ խմբակցություններին, առաջին քվեարկությամբ չընդունվեց։ Քվեները բաշխվեցին այսպես․

Կողմ – 76,

Դեմ – 4,

Ձեռնպահ – 17։

Դեմ և ձեռնպահ ձայները «Իմ քայլը» խմբակցության պատգամավորներինն էին։

Այս ձայները բավարար չէին նախագիծն ընդունելու համար, քանի որ անհրաժեշտ էր ձայների 3/5-ը։ Որոշ պատգամավորների քվեները, սակայն, չէին արձանագրվել, ու ԱԺ նախագահը նորից քվեարկություն հայտարարեց։ Նոր քվեարկության արդյունքում օրենքն ընդունվեց հետևյալ քանակի ձայներով․

Կողմ – 79+2,

Դեմ – 4,

Ձեռնպահ – 23։

Երեկ՝ այս նախագծի քննարկման ժամանակ, Աբովյանն ակնարկեց, որ իրենց ֆիզիկական ծանրաբեռնվածությունն այնքան մեծ է, որ իրենք պետք է գերլարվեն՝ սխալներ թույլ չտալու համար։