ՀՀ արդարադատության նախարարության աշխատակազմի տեղեկատվության և հասարակայնության հետ կապերի վարչության պետ Լուսինե Մարտիրոսյանը ֆեյսբուքյան իր էջում գրել է.
«Սիրելի՛ գործընկերներ
Արդարադատության նախարար Արտակ Զեյնալյանը դե ֆակտո կասեցրել է կուսակցական գործունեությունը: Նախարարը ներկայացնում է Կառավարության դիրքորոշումը, և որևէ մասնակցություն չի ունեցել այսօր «Հանրապետություն» կուսակցության տարածած հայտարարության մշակման աշխատանքներում»:
Հիշեցնենք՝ «Հանրապետություն» կուսակցությունը հայտարարություն էր տարածել ՀՀ վարչապետ Նիկոլ Փաշինյանի կոչի առթիվ՝ նշելով, որ չափազանց վտանգավոր են Արցախի իշխանության հասցեին մեղադրանք-սպառնալիքները: