Մենք այս տարի փաստացի ունենում ենք նոր փողոցներ, որտեղ մալուխները ամբողջապես անցնում են գետնի տակ: Այս մասին այսօր՝ մարտի 3-ին Երեւանի քաղաքապետարանի հերթական գործակարգավարական խորհրդակցության ժամանակ նշեց քաղաքապետ Տիգրան Ավինյանը:
Նա թվարկեց այդ փողոցները՝ Պուշկին, Սաֆարյան, Ազատամարտիկների, Ալբանդյան, Արգիշտի, Դեմիրճյան, Աբովյան, Մելիք Ադամյան և Տիգրան Մեծի փողոցները:
«Այստեղ նաև պետք է համապարփակ ծրագիր իրականացնենք մայթերի, մայթեզրերի և մնացյալ բոլոր հարցերով, որ ամբողջական տեսք ստանանք, ինչպես ստացել ենք, օրինակ, Հանրապետության փողոցում և այդպես շարունակ:
Կարծում եմ՝ այս համադրումը մեր ծրագրերի իրապես այնպես շատ էֆեկտիվ է այն առումով, որ փողոցները իրապես ամբողջովին նոր տեսք են ստանում, ընդհանուր միջավայրը փոխվում է:Պետք է շարունակական այս կապը պահեք և ծրագրերն իրականացնեք միասնական տրամաբանությամբ»,-ասաց նա:
