Ստամբուլի նահանգապետարանը որոշում է ընդունել մինչեւ մարտի 23-ը արգելել նահանգում ցանկացած ցույց եւ հանրահավաք, ինչպես նաեւ արգելափակել է մետրոյի մի քանի կենտրոնական կայարաններ եւ մայրուղիներ մեգապոլիսում։ Այս որոշումը կայացվել է քաղաքի ընդդիմադիր քաղաքապետ Էքրեմ Իմամօղլուի ձերբակալման ֆոնին՝ ահաբեկչության եւ կոռուպցիայի հետաքննության շրջանակում։Նահանգային իշխանությունները սոցցանցերում հանրությանը ծանուցել են, որ «ամբողջ նահանգում ցանկացած հրապարակային միջոցառում արգելված է առաջիկա չորս օրերի ընթացքում», այսինքն՝ մինչեւ մարտի 23-ը։ Նահանգի տարածքում հասարակական կարգը պահպանելու եւ հնարավոր սադրիչ գործողությունները կանխելու նպատակով մարտի 19-ից մինչեւ մարտի 23-ը չորս օրով արգելվում են հանրահավաքները, ցույցերը եւ հայտարարությունները մամուլի համար։Նաեւ չորեքշաբթի Ստամբուլի կենտրոնի տասնյակից ավելի գլխավոր ճանապարհներով երթեւեկությունը կփակվի։ Բացի այդ, մետրոյի մի քանի կայարաններ ժամանակավորապես փակ կլինեն մուտքի եւ ելքի համար, այդ թվում՝ «Թաքսիմ» կայարանը, որը դուրս է գալիս համանուն հրապարակ եւ Իսթիքլալ պողոտա, որտեղ ավանդաբար տեղի են ունենում երթերը եւ հանրահավաքները։
