Իսպանիայում կհայտարարվի եռօրյա սուգ՝ Հռոմի պապ Ֆրանցիսկոսի մահվան առիթով

Իսպանիայի Նախարարների խորհուրդը Հռոմի պապ Ֆրանցիսկոսի մահվան կապակցությամբ եռօրյա սուգ է հայտարարել։ Այս մասին լրագրողներին հայտնել է վարչապետի գրասենյակի ղեկավար եւ թագավորության արդարադատության նախարար Ֆելիքս Բոլանյոսը։

«Իսպանիայի կառավարությունը եռօրյա պաշտոնական սուգ կհայտարարի Հռոմի պապ Ֆրանցիսկոսի մահվան կապակցությամբ: «Ֆրանցիսկոսի հովվապետությունը խթան է դարձել կաթոլիկ եկեղեցու նորացման եւ բարեփոխման համար, որն իր հետքը կթողնի պատմության մեջ»,- ասել է նա:

Իսպանիայի բոլոր հիմնական քաղաքական գործիչները, այդ թվում՝ վարչապետ Պեդրո Սանչեսը, արդեն իրենց ցավակցություններն են հայտնել հովվապետի մահվան կապակցությամբ։