Հայաստանում դպրոցների կառավարման կարգը շուտով կփոխվի: Այս մասին սեպտեմբերի 16-ին ՀՀ Ազգային ժողովի նիստին «Լուսավոր Հայաստան» կուսակցության խորհրդարանական խմբակցության կողմից նախաձեռնված ՀՀ կրթության, գիտության, մշակույթի եւ սպորտի նախարարին անվստահության քվե հայտնելու եւ հրաժարականի հարցի քննարկմանը, պատասխանելով պատգամավորների հարցերին, ասաց նախարարության ղեկավար Արայիկ Հարությունյանը:
Ըստ նրա` Կառավարությունում քննարկվում է դպրոցների կառավարման մոդելի փոփոխությունը: «Շուտով դպրոցների կառավարման կարգը կփոխվի: Բացի այդ, ռազմավարությամբ սահմանվել է, որ մեզ մոտ խոշորացված ուսումնական ցանցեր կհայտնվեն, որտեղ կլինի մեկ մեծ խորհուրդ: Նաեւ կարծում եմ, որ մենք կազատվենք խնդրից, երբ ստիպված էինք հազարավոր ներկայացուցիչներ ուղարկել խորհուրդներ»,- պարզաբանեց նախարարը:
Նա նաեւ նշեց, որ նախկինում խորհուրդները գտնվում էին որոշակի քաղաքական ուժի կամ ուժերի վերահսկողության տակ, ուստի նրանց կողմից նշանակված անդամները վերահսկվում էին իրենց իսկ կողմից:
