Եվրոպական խորհրդի նախագահ Շառլ Միշելը Բրյուսելում ՀՀ նախագահ Արմեն Սարգսյանի հետ հանդիպմանն ընդգծել է Լեռնային Ղարաբաղում հրադադարի ռեժիմի պահպանման կարևորությունը:
«Լեռնային Ղարաբաղում բռնությունները պետք է դադարեցվեն: Հայաստանի նախագահի հետ զրույցում ես կրկնել եմ մեր մտահոգությունը՝ շարունակվող ռազմական գործողությունների կապակցությամբ: Կողմերը պետք է պահպանեն հրադադարի ռեժիմը և վերադառնան բանակցությունների սեղան առանց որևէ պայմանի», - գրել է Միշելը Twitter-ի իր էջում:
Նա ընդգծել է՝ «անընդունելի է արտաքին միջամտությունը Ղարաբաղի հակամարտությում»:
