«Դրոնների կոալիցիան» ընդհանուր հիմնադրամից 20 մլն եվրո է հատկացրել Ուկրաինայի պաշտպանության ուժերի համար մարտավարական կարգի հետախուզական անօդաչու սարքերի (ISR) ձեռքբերման համար։ Այս մասին հայտնել է թվայնացման հարցերով Ուկրաինայի պաշտպանության փոխնախարար Եկատերինա Չեռնոգորենկոն, գրել է ««Европейская правда»-ն։ Ինչպես տեղեկացրել են ՊՆ-ից, տեխնիկայի մատակարարումը սպասվում է երեք ամսվա ընթացքում։ Չեռնոգորենկոն ասել է, որ այդ անօդաչու սարքերի շնորհիվ զինվորականները կարող են հետախուզել տեղանքը եւ բարձրացնել իրենց ստորաբաժանումների իրավիճակային իրազեկությունը։ Ինչպես հայտնի է, «դրոնների կոալիցիան» ստեղծվել է 2024թ. փետրվարին «Ռամշթայն»-ի ձեւաչափով 19-րդ հանդիպման ժամանակ, այս գաղափարն առաջարկել է Լատվիան։ Նրանք Մեծ Բրիտանիայի հետ համատեղ համակարգում են նախաձեռնության աշխատանքները։ Այժմ այնտեղ ներգրավված է 18 երկիր՝ Լատվիա, Մեծ Բրիտանիա, Ավստրալիա, Չեխիա, Դանիա, Ֆրանսիա, Էստոնիա, Իտալիա, Նոր Զելանդիա, Կանադա, Լիտվա, Լյուքսեմբուրգ, Նիդեռլանդներ, Նորվեգիա, Լեհաստան, Գերմանիա, Շվեդիա եւ Ուկրաինա։ 2024թ. հուլիսին «դրոնների կոալիցիայի» մասնակից երկրները փոխըմբռնման հուշագիր են ստորագրել, որի շրջանակում 45 մլն եվրոյի համատեղ հիմնադրամ են ստեղծել։ Այս տարվա սկզբից սպասվում էր, որ «դրոնների կոալիցիայի» անդամները կսկսեն տարբեր տեսակի անօդաչու սարքերի զանգվածային մատակարարումներն Ուկրաինա։
