«Դասալիքն իրենք են՝ իրենց ամբողջ կյանքով, իրենք փախել են ամեն ինչից, իրենց պատճառով պարտվել ենք, իրենց պատճառով կորցրել ենք մեր հայրենիքի մի զգալի մասը, ունենք 5 հազարից ավելի զոհվածներ, 10 հազարից ավելի վիրավորներ, անվտանգային խարխլված համակարգ, ահագնացող տնտեսական ճգնաժամ, արտաքին գործընկերների հետ վատ հարաբերություններ։ Երբ Արգիշտի Քյարամյանը նշանակվեց ԱԱԾ տնօրեն, ես ասացի, որ նրա նշանակումը սպառնալիք է ազգային անվտանգությանը։ Ցավոք, այդ կանխատեսումս իրականություն դարձավ։ Բայց ես այդ մասին չէի խոսի, որովհետեւ մենք ռազմի դաշտում պատահաբար հանդիպել ենք Արգիշտիի հետ եւ ես ասել եմ, որ բոլոր տարաձայնությունները պետք է դնել մի կողմ, լծվել մեկ գործի եւ պաշտպանել հայրենիքը։ Նա խախտում է այդ պայմանավորվածությունը, եթե իր կամքով՝ դա տղամարդուն վայել չէ, եթե պատվերներ է կատարում՝ առավել եւս»,-Այս մասին Վանաձորում լրագրողների հետ զրույցում ասաց Արթուր Վանեցյանը՝ անդրադառնալով Արգիշտի Քյարամյանի հայտարարություններին: Նրա խոսքով պատերազմի երկրորդ օրվանից ներգրավված է եղել մարտական գործողություններին, վերջին օրերին էլ եղել է ամենավտանգավոր տեղերում: