Բեյրութի նավահանգստում պայթյունի հետևանքով զոհերի թիվը շարունակում է աճել: Երկրի Առողջապահության նախարարության վերջին տվյալի համաձայն՝ հայտնաբերվել է 157 դի, հայտնում է «Al Jazeera»-ն:
Վնասվածքներ է ստացել մոտ հինգ հազար մարդ:
Փրկարարական աշխատանքները շարունակվում են: Նշվում է, որ զոհերի թիվը կարող է ավելանալ:
Օգոստոսի 4-ի երեկոյան Բեյրութի նավահանգստի մոտակայքում հզոր պայթյուն է տեղի ունեցել:
Երկրի Ներքին գործերի նախարարությունը կարծում է, որ պատճառը եղել է 2750 տոննա ամոնիումի նիտրատի ոչ պատշաճ պահպանումը:
