Արգենտինայի նախագահ Խավիեր Մայլին հրամայել է գաղտնազերծել Երկրորդ համաշխարհային պատերազմից հետո երկրում ապաստան գտած նացիստների հետ կապված փաստաթղթերը, հայտարարել է վարչապետ Գիլերմո Ֆրանկոսը։
Նա բացատրել է, որ որոշումն ընդունվել է ի պատասխան ԱՄՆ հանրապետական սենատոր Սթիվ Դեյնսի խնդրանքին, ով փետրվարին հանդիպել է Մայլիի հետ։
Ֆրանկոն ասել է, որ Մայլին հրահանգել է հրապարակել պետական կառույցների կողմից տնօրինվող բոլոր փաստաթղթերը, քանի որ «այս տեղեկատվությունը թաքցնելու պատճառ չկա»: Նրա խոսքով՝ փաստաթղթերի թվում, որոնք դեռ չեն հրապարակվել, կան նացիստական ֆինանսական գործարքների վերաբերյալ փաստաթղթեր։
Նույն օրը նախագահի խոսնակ Մանուել Ադորնին հայտարարել է 1976-1983 թվականների վերջին ռազմական բռնապետության ժամանակ զինված ուժերի գործողություններին վերաբերող փաստաթղթերի Ազգային արխիվ փոխանցելու մասին: Նա հավելել է, որ կառավարությունը մտադիր է վերջին ռազմական բռնապետության հետ կապված արխիվներն օգտագործել «որպես հիշողություն պահպանելու միջոց, այլ ոչ թե քաղաքական շահարկումների համար»։
