Հայկ Եսայանը ֆեյսբուքյան իր էջում գրում է.
Օրեր առաջ Արամ Սարգսյանը հարցազրույցի ժամանակ Հայաստանի ղեկավարին խորհուրդ էր տալիս չգնալ Ռուսաստանի նախագահի երդմնակալության արարողությանը և շնորհավորել ռուս ժողովրդի ընտրած
նախագահին, քանի որ դա վատ կընկալվի ժողովրդավարական աշխարհի կողմից: Նա նույն հարցազրույցում նշում է, որ Էրդողանի երդմնակալության գնալը սխալ չէր, քանի որ վերջինս քիչ թե շատ ժողովրդավարական ընտրված նախագահ է:
Երբ Էրդողանի բայրաքթարները ժողովրդավար կերպով խլում էին մեր հայրենակիցների կյանքերը , իսկ բռնապետ Պուտինը ամեն կերպ փորձում էր կանգնեցնել արյունահեղությունը,անգամ ամենավատ երազում չէր կարելի պատկերացնել, որ Վազգեն Սարգսյանի ազգանունը մսխող այդ պարոնը կարող է այդպիսի մտքեր արտաբերել և շարունակել առանց ամաչելու դուրս գալ փողոց:
Արամ Սարգսյանի և նրա նմանների պատկերացրած ինքնիշխան Հայաստանում արգելվում են ռուսական հեռուստաալիքները, քանի որ նրանք ինքնիշխան են, բայց Հ1-ի եթերում Ստամբուլի «Ժամանակ» օրաթերթի գլխավոր խմբագիրը բացահայտ գովում է Էրդողանին և նրան ներկայացնում, որպես հայերի համար ընդունելի թեկնածու:
Արամ Սարգսյանը թերևս դարձել է երրորդ հանրապետության դիմագիծը՝ ոչինչ չստեղծած, եղածը մսխած և անընդհատ տրտնջացող:
