Ապրիլի 1-ին Ադրբեջանի նախագահ Իլհամ Ալիևն ընդունել է Իրանի Իսլամական Հանրապետության նախագահի արտաքին քաղաքականության հարցերով խորհրդական Մեհդի Սանաիին, հաղորդում են ադրբեջանական լրատվամիջոցները։
Հանդիպմանը քննարկվել են տրանսպորտային ոլորտում Ադրբեջանի և Իրանի համագործակցության հարցերը, մասնավորապես՝ Հյուսիս-Հարավ տրանսպորտային միջանցքի զարգացումը, առևտրատնտեսական, էներգետիկ և այլ ոլորտներ, անդրադարձ է եղել միջկառավարական հանձնաժողովի գործունեությանը, հաղորդում են ադրբեջանական լրատվամիջոցները։
Զրույցի ընթացքում մտքերի փոխանակում է տեղի ունեցել Արաքս գետի վրա Աղբենդի ուղղությամբ կամրջի կառուցման գործընթացի շուրջ։
«Մեհդի Սանաին ընդգծել է, որ Իրանը մեծ նշանակություն է տալիս հարևան պետությունների, հատկապես Ադրբեջանի հետ հարաբերությունների զարգացմանը, որի հետ ունի պատմական, կրոնական և մշակութային կապեր, և գոհունակություն է հայտնել բոլոր ոլորտներում երկու երկրների հարաբերությունների ներկայիս զարգացումից։
Երկրի ղեկավարն, իր հերթին, նշել է, որ Ադրբեջանն ու Իրանը կիսում են ընդհանուր արժեքներ և դրական է գնահատել վերջին շրջանում երկկողմ այցերի դինամիկան։ Իլհամ Ալիևը հույս է հայտնել, որ Մեհդի Սանաիի այցն Ադրբեջան լավ հնարավորություն կստեղծի քննարկելու երկկողմ օրակարգի հարցերը»,- գրում են ադրբեջանական լրատվամիջոցները։
