Ռազմական փորձագետ Կարեն Հովհաննիսյանի կարծիքով հարևան Արդբեջանում կորոնավիրուսի համավարակի տարածման առաջին օրերին փորձել են թաքցնել հիվանդության տարածվածության իրական պատկերը, որպեսզի հարվածի տակ չդնեն իրենց տնտեսության հիմնական քարշակ ուժը․«Ադրբեջանում ի սկզբանե թաքցնում էին կորոնավիրուսի տարածման տեմպերը: Դա ուներ մեկ նպատակ, որպեսզի երկիրը չընկնի սահմանափակումների տակ, որոնք տնտեսության համար ,մեղմ ասած, բարենպաստ չեն: Առանց որևէ լուրջ հիմնավորման, կամ որևէ հիվանդների լուրջ թվի հրապարակման փակեցին նավթային շրջանների և մայրաքաղաքի մուտքն ու ելքը, այդպիսով փորձելով փրկել այդ կենսական նշանակություն ունեցող շրջանների բնականոն կյանքը: Սակայն արդեն պարզ էր, որ երկրում կորոնավիրուսը տարածվում է մեծ արագությամբ:
Փորձագետի կարծիքով դժվար է Ադրբեջանի նման երկրից պաշտոնական հավաստի տեղեկատվություն ստանալ, բայց պատկերն այս պահին որոշակի չափով հասկանալի է․«Այսօր արդեն հայտնի որ, անգամ տնային պայմաններում կան ծանր հիվնադներ: Իհարկե դժվար է Ադրբեջանի նման երկրից ստանալ պաշտոնական տեղեկություն , սակայն որոշ մոնիթորինգի արդյունքում պարզ է դառնում, որ մարդիկ, ովքեր մի քնաի օր առաջ առողջ էին, կորոնավիրուսին բնորոշ ախտանիշներով հիվնդանում ու մահանում են, որից հետո հուղարկավորվում առանց դիահերձման: Ի դեպ, նման ներքին հրահանգ կա, որ այս ժամանակաշրջանում, քանի դեռ չկա դատաբժիշկից տեղեկանք, դիահերձում չկատարել: Սա ևս մեկ ապացույց է, որ Ադրբեջանում այդ վիրուսի հետևանքով մահերի թիվը այն չէ, ինչ ներկայացնում են: Բացի կորոնավիրուսի վարակի և մահացության թվի թաքցնելու փաստը, այսօր արդեն նոր խնդիր հետ են բախվել Ադրբեջանի իշխանությունը: Մարդիկ դուրս են եկել փողոց և բողոքի ակցիաներ են իրականացնում: Հիմանականում երկու տեսակի է բողոքը: Առաջինը՝ բողոքում են ինքնամեկուսացվածները, որոնց կարանտինի ժամանակը վաղուց լրացել է, սակայն ոչ բաց են թողնում, ոչ էլ սնունդ են մատակարարում, և երկրորդ`բողոքի ակցիաներ են իրականացնում ծառայությունների , տուրիզմի և առևտրի ոլորտի քաղաքացիները, ովքեր պահանջում են պետական ֆինանսկական լուրջ աջակցություն , կամ աշխատանքների վերսկսկման թույլտվություն»։
Օրերս համացանցում լուրեր էին շրջանառվում, որ կորոնավիրուսով վարակված քաղաքացիներին Ադրբեջանի իշխանությունները տեղափոխում են ազգային փոքրամասնություններով բնակեցված շրջաններ։ Կարեն Հովհաննիսյանը հաստատում է տեղեկատվությունը․«Այո, դա իրականություն է, և հենց ամենասկզբից մեկուսածվողներին տեղփոխում էին դեպի երկրի հարավ, որտեղ բնակվում են ազգային փոքրամասնությունները:
Ի դեպ, Թուրքիայից ժամանող այն քաղաքացիները, ովքեր անցնում էին Նխիջևանով, ունեին ընտրություն, կամ մնալ Նախիջևանում և մեկուսանալ վրանային պայմաններում, կամ գնալ Ադրբեջան և մեկուսանալ երկրի հարավում, այնտեղ, որտեղ ազգային փոքրամասնություններն են ապրում: Մարդիկ ընտրում էին մնալ Նախիջևն վրանային պայմաններով»,-ասաց փորձագետը Politik.am-ի հետ զրույցում։
Կարեն Հովհաննիսյանի կարծիքով կորանավիրոսը ներթափանցել է նաև ադրբեջանական բանակ․«Պետք է որ արդեն ակնհայտ լինի, որ Ադրբեջանը չէր կարող բանակին հեռու պահեր այդ վիրուսից մեկ պարզ պատճառով: Այս ժամանակաշրջանում ոստիկանության հետ ծառայություն են իրականցնում ինչպես ոստիկանության ներքին զորքեր, այնպես էլ թիկունքային զորամասերը, որոնք գտնվում են կարանտիային գոտու բնակավայրերում: Իսկ մինչ այդ ինքս ունեի ինֆորմացիա, որ զինվորականների համար Բաքվում կա մեկուսցման հատուկ վայր, որտեղ քիչ չեն մեկուսացվածները: Հենց այստեղից էլ կարելի է հիմնավոր ենթադրել, որ բանակում ևս տարածված է կորոնավիրուսը»: