ԱՄՆ Պետդեպարտամենտը 2023 Country Reports on Human Rights Practices: Armenia («Երկրի զեկույցներ՝ մարդու իրավունքների պրակտիկայի մասին 2023. Հայաստան») տարեկան զեկույցում նշել է Լեռնային Ղարաբաղից հայերի արտագաղթն՝ ադրբեջանական ագրեսիայի, ինչպես նաև Հայաստանի տարածքի վրա հարձակման հետևանքով։
«Լեռնային Ղարաբաղում ապրող ավելի քան 100 հազար էթնիկ հայեր սեպտեմբերի 24-ից հոկտեմբերի 1-ն ընկած ժամանակահատվածում փախել են Հայաստան՝ Ադրբեջանի ռազմական գործողություններից հետո՝ Լեռնային Ղարաբաղը լիարժեք վերահսկողության տակ առնելու նպատակով։ Դա տեղի ունեցավ այն բանից հետո, երբ Հայաստանի և Լեռնային Ղարաբաղի միջև փակվեց Լաչինի միջանցքը՝ խաղաղ բնակիչների և ձեռնարկությունների մեծ մասի համար՝ թույլատրելով միայն պարբերական հումանիտար մուտքը՝ 2022 թվականի դեկտեմբերից մինչև սեպտեմբերի 24-ը ընկած ժամանակահատվածում, երբ այն Լեռնային Ղարաբաղից վերաբացվեց միակողմանի երթևեկության համար։ Տարվա ընթացքում ադրբեջանական զորքերը հարձակվել են Հայաստանի տարածքում գտնվող որոշ ենթակառուցվածքային օբյեկտների վրա»,- ասվում է ԱՄՆ Պետդեպարտամենտի զեկույցում։
