Օրեր առաջ հայտնի դարձավ, որ Արցախի նախագահական առաջիկա ընտրություններում Մասիս Մայիլյանի հիմնական դաշնակիցը Սամվել Բաբայանն է։ Վերջինիս ղեկավարած կուսակցությունն այս մասով հայտարարություն էր տարածել․ «Մասիս Մայիլյանը սկզբունքորեն ընդունում է կուսակցության ներկայացրած նախընտրական ծրագիրը և պատրաստ է նախագահի պաշտոնը ստանձնելուց հետո իրականացնել այն: Կոչ ենք անում բոլոր ուժերին դրսևորել քաղաքական կամք՝ հրաժարվել նեղ անձնային շահերից, համախմբվել ժողովրդի և պետության հետաքրքրությունների շուրջ և առաջիկա նախագահական ընտրություններում սատարել Մասիս Մայիլյանի թեկնածությունը՝ ի հաստատումն ժողովրդաիշխանության»,-ասվում է Բաբայանի ղեկավարած կուսակցության տարածած հաղորդագրությունում:
Հետաքրքիր է, որ Մայիլյանը Արցախում հայտարարում է, որ իրեն աջակցում է Հայաստանի վարչապետ Նիկոլ Փաշինյանը, բայց միևանույն ժամանակ դաշինք է կնքում մի գործչի հետ, որը ամիսներ առաջ Արցախում քաղաքացիների հետ հանդիպման ժամանակ պնդում էր, որ Հայաստանի իշխանությունները պատրաստվում են հող հանձնել․«Ձեզ պարզ բացատրում եմ` նստած քննարկում են, որ Լաչինի միջանցով պետք է по пластунски գնաք գաք, չի ասում հարգելի վարչապետ դա անհնարին է անել»,-հայտարարել էր Սամվել Բաբայանը:
