Ռուսաստանը չի հրավիրվել Զելենսկու երդմնակալության արարողությանը. Ուկրաինայի ԱԳՆ

Ռուսաստանին հրավեր չի ուղարկվել՝ մասնակցելու Ուկրաինայի նորընտիր նախագահ Վլադիմիր Զելենսկու՝ մայիսի 20-ին կայանալիք երդմնակալության արարողությանը: Ինչպես հաղորդում է ՏԱՍՍ-ը, այս մասին հայտարարել է Ուկրաինայի ԱԳՆ խոսնակ Եկատերինա Զելենկոն:

Ավելի վաղ ՌԴ նախագահի խոսնակ Դմիտրի Պեսկովը հայտարարել էր, որ Մոսկվան Կիևից հրավեր չի ստացել՝ մասնակցելու նոր նախագահի երդմնակալության արարողությանը: