Ռուսաստան արտագաղթող հայերի թիվը 2019թ․-ին ավ...

2019թ․-ի հունվար-ապրիլ ամիսներին Ռուսաստանի բնակչության միգրացիայի ներհոսքը ռեկորդ է սահմանել  վերջին 10 տարիների ընթացքում ու  կազմել է 98 հազար մարդ։ Այսպիսի դինամիկան անոմալ է։ Այս մասին ասվում է «ՌԴ տնտեսական վիճակի մոնիտորինգ»-ի մասին ուսումնասիրության մեջ, որը պատրաստվել է Գայդար ինստիտուտի փորձագետների կողմից։ Այս մասին գրում է Ria-ն։

Նշվում է, որ 2019 թվականի առաջին ամիսներին Ռուսաստան  միգրացիան զգալիորեն աճել է`2018 թվականի հունվար-ապրիլ ամիսներին 57,1 հազարից  2019 թ. հունվար-ապրիլին հասնելով  98 հազարի:

Ռուսաստան ամենամեծ թվով մարդիկ են  արտագաղթում  Հայաստանից  ու Ուկրաինայից։  Միևնույն ժամանակ, միգրացիոն հոսքը նվազել է Բելառուսից ու Մոլդովայից:

2019 թ. հունվար-ապրիլին Հայաստանից Ռուսաստան է ժամանել 12, 8 հազար մարդ: 2018 թ. այդ ցուցանիշը կազմել էր 4.9 հազար մարդ: Հետազոտության մեջ նաև նշվում է, որ 2019 թվականի հունիսի 1-ի դրությամբ Ռուսաստանի տարածք է ժամանել Հայաստանի ավելի քան 49 հազար քաղաքացի: