Ըստ պայմանագրի քրդական զինված ջոկատները մտնում են սիրիական բանակի 5-րդ՝ ռուսական կորպուսի մեջ, գրում է infoteka24-ը:
Քրդական մարզերը կստանան ինքնավարություն, իսկ քրդերն իրենց իրավունքների պաշտպանության երաշխիքներ և նոր սահմանադրություն իրենց երկրի համար:
Նշվում է, որ կողմերը պայմանավորվել են կոորդինացնել գործողությունները Թուրքիայի կողմից Սիրիայի հյուսիսարևելյան հատվածում կիրառված ագրեսիային դիմակայելու համար:
Ըստ պայմանավորվածության՝ Աֆրինը պետք է միացյալ ուժերով ազատագրվի:
Նշված է նաև, որ սիրիական բանակը պետք է զբաղեցնի Քոբանի և Մանբիջի շրջանները, ինչն արդեն կատարվել է: Սիրիական կառավարությունը սկսում է վերահսկել Թուրքիայի և Սիրիայի սահմանային հենակետերը:
Դրանից բացի՝ քրդական առաջնորդները Սիրիայի կառավարությունում պաշտոններ կստանան:
