Կոնստանտին Օրբելյանի պաշտոնանկության իրական պ...

Ալեքսանդր Սպենդիարյանի անվան օպերայի եւ բալետի ազգային ակադեմիական թատրոնի գեղարվեստական ղեկավար Կոնստանտին Օրբելյանի պաշտոնանկության իրական պատճառների վերաբերյալ առաջ են քաշվել մի շարք վարկածներ, որոնց թվում այս օրերին տիրապետող է դառնում այն, որ նա աշխատանքից հեռացվել է բացառապես այն պատճառով, որ Երեւանում աշխատել է Սերժ Սարգսյանի կնոջ՝ Ռիտա Սարգսյանի առաջարկով եւ նույնիսկ իշխանափոխությունից հետո Կոնստանտին Օրբելյանը պահպանել է բարեկամական հարաբերությունները տիկին Ռիտայի հետ:

Իմքայլական քաղբյուրոյում իմացել են այս մասին, ծանր տարել այս փաստը եւ որոշել աշխատանքից ազատել մի մարդու, որը միակ երաժշտն է, որին ՌԴ նախագահ Վլադիմիր Պուտինը շնորհել է Ռուսաստանի վաստակավոր արտիստի կոչում, այն դեպքում, երբ նա ՌԴ քաղաքացի չէ:

Իմքայլականներին սա քիչ է հետաքրքրում, ինչպես նաեւ, թե նա ինչ կարգի եւ մակարդակի մասնագետ է,եւ թե ինչպես կիսամեռ օպերան կարողացավ վերակենդանացնել: Նրանց համար կարեւորը հեղափոխական արժեքներն են, իսկ այդ արժեքներիչ մեջ չի տեղավորվում տիկին Ռիտայի կողմից հրավիրված լինելու փաստը եւ պարզ մարդկային բարեկրթությունը:

Ի դեպ, մեկ այլ տեղեկություն մտորման համար: Երեկ Պետրոս Ղազարյանին հյուրընկալվելու ժամանակ մշակույթի նախարարության պաշտոնակատար Նազենի Ղարիբյանը հերքել է այն թեզը, թե ինքն անձամբ է որոշել Օրբելյանին հեռացնել պաշտոնից: Ըստ նրա՝ նման որոշումները միաձայն չեն կայացնում: Իսկ կոնկրետ Օրբելյանի հարցը դրվել էր կառավարությունում, իսկ ինքը՝ Նազենին, այդ որոշման կատարողի դերում է ընդհամենը:

Վարդուհի Հարությունյանի ֆեյսբուքյան էջից