«Մեկ առողջություն» կոալիցիան մտահոգություն է հայտնում Ամուլսարի հանքավայրի հնարավոր շահագործման մասին ՀՀ կառավարության դիրքորոշման և դրա շուրջ ստեղծված իրավիճակի վերաբերյալ։
Կոալիցիայի առաջնորդ, ՍԱՊԾ նախկին պետ Գրիգոր Գրիգորյանի խոսքով` կառավարող վարչախմբի համար Ամուլսարի շահագործումը դարձել է աշխարհաքաղաքական խնդիր, և վարչապետ Նիկոլ Փաշինյանի վերջին ուղիղ եթերը եկել էր փաստելու, որ ունեն հստակ որոշում՝ հանքը շահագործել:
«Երկրի ղեկավարը դեմ է գնում երկրի շահերին, ժողովուրդը հայտնվել է մի բևեռում, իշխանությունը`այլ»,-ասում է Գրիգորյանը:
Վերջինս կարծիք է հայտնում նաև, որ մեծ է հավանականությունը, որ հանքի շահագործման համար կառավարող ուժն ու անձամբ վարչապետ Փաշինյանը կդիմի ոստիկանության բռնի ուժի կիրառմանը:
Համաճարակաբանը նաև ներկայանում է հանքի շահագործման դեպքում հնարավոր ազդեցությունները, որոնք առաջին հերթին կլինեն Վայոց ձորի մարզի, ապա նաև ողջ հանրապետության բնակչության վրա.
«Օնկոգեն՝ մի քանի տարվա ընթացքում կավելանա քաղցկեղով հիվանդ բնակչության թիվը, տերատոգեն՝ հրեշածին երեխաներ, նեյրոտոքսիկ՝ բնակչության շրջանում նյարդաբանական խնդիրների առաջցում»:
