Հոնկոնգում տեղի ունեցած ցույցերի և անկարգությունների պատճառով իշխանությունները դադարեցրել են պետական որոշ գրասենյակների աշխատանքը:
Ցուցարարները բողոքում են արտահանձնման մասին օրենսդրական փոփոխությունների դեմ, որոնք թույլ կտան տերբեր հանցագործությունների մեջ մեղադրվող մարդկանց արտահանձնումը Չինաստանին:
Չնայած Հոնկոնգի օրենսդրական խորհուրդը հետաձգել է օրինագծի երկրորդ ընթերցումը, լարվածությունը չի նվազել: Իրավապահների և ցուցարարների միջև բախումներ են տեղի ունեցել, երբ վերջիններս փորձել են մտնել կառավարական շենքեր: Ոստիկանությունն արցունքաբեր գազ և ռետինե փամփուշտներ է կիրառել ակցիայի մասնակիցների դեմ: 70-ից ավելի մարդ վիրավորվել է:
Վերջին օրերին Հոնկոնգում շարունակվող բողոցի ցույցերը համարվում են ամենազանգվածայինը 1997թ.-ից ի վեր, երբ Բրիտանիան Հոնկոնգը վերադարձրեց Չինաստանի վերահսկողության տակ:
