Հայաստանի իշխանությունները հույս ունեն այս տարվա սեպտեմբերից վերականգնել դպրոցների բնականոն գործունեությունը: Այս մասին հուլիսի 13-ին ՀՀ Ազգային ժողովի արտահերթ նիստին հայտարարեց ՀՀ փոխվարչապետ, պարետ Տիգրան Ավինյանը՝ պատասխանելով պատգամավորների հարցերին:
Փոխվարչապետի խոսքով՝ իրենց նպատակն է անել ամեն ինչ, որպեսզի սեպտեմբերից միջնակարգ դպրոցները սկսեն աշխատել նորմալ ռեժիմով՝ հետևելով որոշակի կանոնների: Ընդ որում, պարետը նշել է, որ այժմ համապատասխան կանոններ են մշակվում, որոնք թույլ կտան ապահովել դպրոցների աշխատանքը:
