Դորտմունդի օդանավակայանում ավտոմեքենան բախվել է Գերմանիայի կանցլեր Անգելա Մերկելի ինքնաթիռին: Այս մասին հայտնել է Spiegel Online-ը:
Բանն այն է, որ օդանավակայանի ծառայողական մեքենայի վարորդը չի ձգել ձեռքի արգելակը և հեռացել է մեքենայից, իսկ ավտոմեքենան քիչ անց ինքնուրույն տեղաշարժվել է:
Միջադեպի պահին Մերկելն ինքնաթիռում չի եղել։ Միջադեպից հետո կանցլերը ստիպված է եղել թռչել Գերմանիայի պաշտպանության նախարարի ինքնաթիռով: