Ավանդույթի համաձայն՝ գարնանային գյուղատնտեսական աշխատանքների մեկնարկից առաջ «Մուլտի Գրուպ» կոնցեռնի հիմնադիր Գագիկ Ծառուկյանը հանդիպում է Արմավիրի և Արարատի մարզերի խաղողագործների հետ, լսում նրանց մտահոգող խնդիրներն ու հնարավորության սահմանում լուծում տալիս դրանց: Հերթական հանդիպմանն Արմավիր մարզի խաղողագործները Գագիկ Ծառուկյանից հենասյուն էին խնդրել՝ նշելով, որ դրանք անհրաժեշտ են նոր այգիներ հիմնելու և հները պահպանելու համար: Հաշված օրեր հետո նրանց խնդրանքին դրական լուծում է տրվել: Բետոնե հենասյուների անհրաժեշտ խմբաքանակն արդեն հատկացվել է խաղողագործներին:
