«Ինձ համար Բարձրագույն դատական խորհրդի ցանկացած որոշում սպասելի էր»,- Բարձրագույն դատական խորհրդի (ԲԴԽ)՝ ՀՀ Արդարադատության նախարարության միջնորդության մերժումից հետո լրագրողների հետ զրույցում հայտարարեց ՀՀ Վերաքննիչ դատարանի դատավոր Ալեքսանդր Ազարյանը:
Լրագրողների հարցին՝ այս որոշումը նշանակո՞ւմ է, որ այսուհետ դատավորներն ավելի անկաշկանդ կգործեն, Ալեքսանդր Ազարյանը պատասխանեց. «Չեմ կարծում, որ հարցը կաշկանդված լինել կամ չլինելու վերաբերյալ է: Կաշկանդված դատավորը միշտ էլ կաշկանդված է, անկաշկանդը՝ ոչ: Ես մշտապես անկաշկանդ եմ»:
Լրագրողները խնդրեցին գնահատական տալ ԲԴԽ կայացրած որոշմանը: Ալեքսանդր Ազարյանն այսպես պատասխանեց. «Ես որոշմանը ծանոթ չեմ. միայն եզրափակիչ մասն ունկնդրեցի: Կներեք՝ ես ՀՔԾ պետը չեմ, որ առանց որոշմանը ծանոթ լինելու որևէ գնահատական տամ»: