«Չուգունը» սպանվել է կնոջ ու աղջկա աչքի առաջ


arm143688118657Վերջինս կոնֆլիկտ է ունեցել Աբրահամ Մանուկյանի որդու հետ:

«Ժողովուրդ» թերթը գրում է. «Երեկ՝ հուլիսի 14-ին, Տիգրանյան 5 հասցեի բակում հնչել էին կրակոցներ, ինչի արդյունքում սպանվեց քրեական հեղինակություն համարվող 35–ամյա Արթուր Հովհաննիսյանը, ով հայտնի էր Չուգուն մականվամբ։

Ըստ շրջանառվող լուրերի՝ սպանությունը տեղի է ունեցել հենց Արթուրի կնոջ ու աղջկա աչքի առաջ։ Սակայն կա ևս մի ականատես։ «Ժողովուրդ»–ի տեղեկություններով՝ սպանված Արթուրի կնոջ եղբայրը եղել է հենց մեքենայի մեջ և, ամենայն հավանականությամբ, տեսել է՝ ովքեր են եղել իր փեսային կրակողները։ Ըստ շրջանառվող լուրերի՝ Արթուր Հովհաննիսյանը օրեր առաջ կոնֆլիկտ է ունեցել ԱԺ ԲՀԿ խմբակցության անդամ Աբրահամ Մանուկյանի որդու՝ Արթուր Մանուկյանի հետ։

Ի դեպ, վերջինս Երևանի նախկին ոստիկանապետ Ներսիկ Նազարյանի փեսան է։ Փորձեցինք տեղեկությունը պարզել Աբրահամ Մանուկյանից, սակայն վերջինս վստահեցրեց, որ իր որդին այս ամենի հետ կապ չունի. «Հարյուր տոկոս հերյուրանք է, բան եմ ասում, չկա նման բան:։

Մանրամասները՝ թերթի այսօրվա համարում։

Դիտվել է 65 անգամ
 


Այս թեմայով