«Մենք լիզնինգի համար նախատեսվող 20 տոկոս կանխավճարի 15 տոկոսը, բայց ոչ ավելի, քան 4.8 մլն դրամը կսուբսիդավորենք»,- կառավարության նիստում հայտնեց Էկոնոմիկայի նախարար Տիգրան Խաչատրյանը՝ զեկուցելով կառավարության 2018 թվականի հուլիսի 19-ի N 893-Լ որոշման մեջ լրացումներ և փոփոխություն կատարելու մասին հարցը:
Նախարարը հայտնեց, որ հանրապետությունում կան 23 շահագործվող և 36 կառուցման փուլում գտնվող սպանդանոցներ, բայց դեռ կան համայնքներ, որոնց մոտ՝ մինչև 30 կմ հեռավորության վրա դեռ չկան նման օբյեկտներ:
Տիգրան Խաչատրյանի խոսքով, սպանդանոցների և շահառու համայնքների միջև 30 կիլոմետր նախընտրելի հետավորությունն է հաստատվել, քանի որ բոլոր սպանդանոց շահագործող կազմակերպությունները հավաստիացրել են, որ այդ հեռավորության վրա իրենք անվճար կտեղափոխեն սպանդի ենթակա կենդանուն:
Վարչապետը ևս արձագանքեց՝ նշելով, որ պետք է ասֆալտին մորվող, վաճառվող մսի պատմությանը օր առաջ վերջ դնել։
