Արցախի Հանրապետության առողջապահության նախարարության փոխանցմամբ՝ նոր կորոնավիրուսի վարակը հաստատվել է ևս 3 քաղաքացու մոտ, ովքեր ժամանել են Ռուսաստանի Դաշնությունից և գտնվում էին մեկուսացման համար նախատեսված վայրերում:
Այս մասին հայտնում են Արցախի տեղեկատվական շտաբից:
Հիշեցնենք, որ մինչ այժմ Արցախում գրանցվել է կորոնավիրուսով վարակվելու 46 դեպք: 26 քաղաքացի առողջացել է, մահվան դեպքեր չեն գրանցվել:
Ընդհանուր առմամբ՝ թեստավորվել է 926 քաղաքացի:
