Միացյալ Նահանգներում բողոքի ցույցերը չեն դադարում: Թեև մի շարք քաղաքներում պարետային ժամ է հայտարարված, սակայն շատ ցուցարարներ անտեսում են այն: 29 նահանգներում ոստիկանությանը միացել են զինված ուժերը:
Մի քանի տասնյակ քաղաքներում անցկացվող ցույցերը մտավախություն են առաջացրել, որ այդ բազմությունը կարող է դառնալ վիրուսի տարածման աղբյուր, ինչը կորոնավիրուսի վարակի նոր դեպքերի կտրուկ աճի կհանգեցնի այն ժամանակ, երբ պետությունները վերաբացվում են և փորձում վերագործարկել տնտեսությունը:
Բողոքի զանգվածային ցույցերը Միացյալ Նահանգներում հաջորդել են աֆրոամերիկացի Ջորջ Ֆլոյդի մահվանը: Մայիսի 25-ին Մինեապոլիսում Ֆլոյդի մահվան համար ցուցարարները մեղադրում են ոստիկաններին, դիահերձման արդյունքներով՝ 46-ամյա տղամարդը շնչահեղձ է եղել։ Միջադեպին մասնակցած 4 ոստիկանները հեռացվել են աշխատանքից, նրանից մեկը ձերբակալվել է։
Վերջին օրերին ռասիզմի դեմ բողոքի ցույցեր են տեղի ունեցել նաև Ֆրանսիայում, Մեծ Բրիտանիայում, Նիդերլանդներում, Նոր Զելանդիայում և Գերմանիայում:
