Վրաստանում ադրբեջանցու են սպանել և ոտքերին կապած ծանր բեռով ջուրն են նետել: Միջադեպը տեղի է ունեցել Մառնեուլի շրջանում, հայտնում է Report-ը։
Սպանության կասկածանքով երեք տղամարդ է ձերբակալվել։ Նրանցից երկուսը նախկինում դատված են ։
Հետաքննությունը պարզել է, որ հանցագործությունը կատարվել է վրեժխնդիր լինելու նպատակով:
Պարզվել է, որ սեպտեմբերի 18-ին ձերբակալվածները, կապկպելով առեւանգվածին, ավտոմեքենայով նրան գյուղ են տարել: Այնուհետև, նրա ոտքերին կապելով ծանր բեռը, նետել են ջրանցքի մեջ, ինչի հետևանքով վերջինս մահացել է։
Խմբակային կանխամտածված սպանության մեջ մեղադրվողներից երկուսին, սպառնում է 7-ից մինչեւ 17 տարվա ազատազրկում, իսկ երրորդին ՝ հանցագործության մասին ոստիկանությանը չհայտնած անձին ՝ 3-ից 7 տարվա ազատազրկում:
