Մինսկում տեղի է ունենում Ալեքսանդր Լուկաշենկոյի երդմնակալության արարողությունը, որը ստանձնել Է Բելառուսի նախագահի պաշտոնը, հայտնել Է БелТА պետական լրատվական գործակալությունը:
Գործակալության տեղեկատվության համաձայն՝ արարողությունը տեղի է ունենում Մինսկի կենտրոնում գտնվող Անկախության պալատում։ БелТА-ի հաղորդագրության մեջ ասված է, որ «երդմնակալության արարողությանը հրավիրվել է մի քանի հարյուր մարդ»:
«Աջ ձեռքը դնելով Սահմանադրության վրա՝ Ալեքսանդր Լուկաշենկոն երդում է տվել բելառուսերենով»,- փոխանցում է գործակալությունը։- Այնուհետեւ նա ստորագրել է երդում տալու մասին ակտը, որից հետո Բելառուսի ընտրությունների եւ հանրապետական հանրաքվեների անցկացման կենտրոնական հանձնաժողովի նախագահ Լիդիա Երմոշինան Ալեքսանդր Լուկաշենկոյին հանձնել Է Բելառուսի Հանրապետության Նախագահի վկայականը»:
Հրապարակավ երդմնակալությունը չի հայտարարվել, այդ պատճառով Լուկաշենկոյի պաշտոնը ստանձնելու մասին հաղորդագրությունն անսպասելի էր երկրի բնակիչների եւ լրագրողների համար: