Երիտասարդ կինը, որը ծանր վնասվածք էր ստացել Կապիտոլիումի շենքը գրոհելու ընթացքում, մահացել է հիվանդանոցում, հաղորդում է NBC հեռուստաընկերությունը։
ԱՄՆ Կոնգրեսի շենքում, որտեղ որոշ ժամանակ առաջ ցուցարարների խումբ էր ներխուժել, կրակահերթ է տեղի ունեցել: Ցուցարարաների հետ բախումների ընթացքում տուժել է մի քանի ոստիկան, վիրավորված իրավապահներից առնվազն մեկը հոսպիտալացվել է։ Նրանց առողջական վիճակի մասին չի հաղորդվում։
Վաշինգտոնում ուժի մեջ է մտել պարետային ժամը։
Վաշինգտոնի քաղաքապետ Մյուրիել Բոուզերի հրամանով պարետային ժամը տեւելու է 18.00-ից մինչեւ հինգշաբթի ժամը 06.00-ն։
ԱՄՆ Կոնգրեսի շենք այսօր տեղի ունեցած ներխուժումը ցուցարարների կողմից առաջին ներխուժումն է Կապիտոլիում 1814 թվականին բրիտանացիների կողմից դրա վրա հարձակումից ի վեր։
Ամերիկյան լրատվամիջոցները տեղեկացնում են, որ ԱՄՆ Կոնգրեսը վերականգնել է աշխատանքը:
