Մի օր կխեղդվեն սեփական կեղտի մեջ

Editor of ?Zhamanak? daily and ?1in.am? news web site Arman Babajanyan guest in Hayeli press clubՎերջին շրջանում գործարար Գագիկ Ծառուկյանի դեմ որոշ լրատվամիջոցների հարձակումները ակտիվացել են: Դե, իհարկե, այս գործում առաջամարտիկ է Արման Բաբաջանյանին պատկանող լրատվամիջոցը: Իհարկե, որոշ դեպքերում լրատվամիջոցի գործունեության մասին գրելը սխալ է, սակայն սա այդ դեպքը չէ: Կոնկրետ այս լրատվամիջոցի դեպքում սիստեմատիկորեն ատելություն է տարածվում հասարակության լայն շերտերի կողմից ընդունված և հարգված անձնավորության նկատմամբ: Հետևելով տվյալ լրատվամիջոցի գործունեությանը՝ հասկանում ես, որ սեփականատերերի նպատակը ոչ թե Գագիկ Ծառուկյանի գործունեությունը քննադատելն է, այլ նրա անձը սևացնելը և  հորինված տեղեկատվություն տարածելը: Տվյալ լրատվամիջոցը Գագիկ Ծառուկյանի մասին գրում է նույն կերպ, ինչ ադրբեջանական լրատվամիջոցները Հայաստանի համար որևէ լավ գործ անող գործչի մասին: Լրատվական գործունեություն իրականացող անձի առաջին առաքելությունը պետք է լինի ատելություն չտարածելը և բազմակարծություն ապահովելը:

Իսկ ինչու չեն նկատում այն աշխատանքները, որ իրականացվում է Գագիկ Ծառուկյանի նախաձեռնությամբ: Լրատվամիջոցը և նրա ղեկավարությունը, մեղմ ասած, անկեղծ չեն իրենց ընթերցողների հետ: Իսկ հոդվածի հեղինակ Նարինե Մկրտչյանը, ով նաև Մամուլի ազգային ակումբի ղեկավարն է, պետք է հասկանա, որ իրեն օգտագործում են կամ գուցե ինքն իր կամքով է օգտագործվում հանուն ոչնչի: Այս հրապարակումները որևէ բան չեն փոխելու հանրության մոտ: Իսկ վերջում կստացվի այնպես, որ նման հրապարակումների հեղինակները կթաղվեն սեփական կեղտի մեջ: Այդպես է լինում բոլորի հետ, ում կյանքի գործունեությունը կեղտ տարածելն է:

Ի դեպ, հոդվածի հեղինակ Նարինե Մկրտչյանը ժամանակին ցանկանում էր նախագահ դառնալ, և շատ հետաքրքիր է, թե  զրո ամբողջ քանի տոկոս կստանար նա: Կարծում եմ՝ հենց սա գիտակցելով է նաև հանել իր թեկնածությունը, քանի որ այդ կերպ պարզ կդառնար, որ հասարակությունը նրան նետել է քաղաքականության աղբանոցը, այդ դեպքում նա չէր կարողանա ներկայանալ ճոռոմ և բարոյախրատական քարոզ անողի դիմակով: Իսկ Armcomedy-ի հաղորդումը լավագույնս ցույց է տալիս հոդվածի հեղինակի ձանձրալի լինելը:

Դիտվել է 254 անգամ
 


Այս թեմայով