«ՀՀ Կառավարության որոշումը, որով 33 միլիոն 680 հազար դրամ է հատկացվում «Իրազեկ քաղաքացիների միավորում» ՀԿ-ին և «Թրանսփարենսի ինթերնեշնլ»-ին Արցախում կայանալիք ընտրություններին դիտորդական առաքելություն իրակացնելու համար, շատ հարցեր է առաջացնում: Հայաստանում կան 5 հազարին մոտ հասարակական կազմակերպություներ, ի՞նչ տենդեր է իրականացվել, կամ ի՞նչ սկզբունքով են ընտրվել հենց այդ 2-ը կամ 33 մլն դրամը մի փոքր շատ չէ՞ այդ երկուսի համար:
«Ադեկվադ» նախաձեռնությունը ունի նաև հասարակական կազմակերպություն, եթե մենք էլ դիմենք կառավարությունը՝ ասելով, որ մենք էլ ենք ուզում Արցախում ժողովրդավարություն զարգացնեք, մոնիտերինգ իրականացնեք, 33 մլն չէ, 3 մլն դրամ տալո՞ւ է կառավարությունը: Եթե չի տալու կամ հակառակը, ապա ինչ սկզբունքով է դա իրականացնելու»,- Politik.am-ի հետ զրույցում նման հարց ուղղեց «Ադեկվադ» ՀԿ անդամ Կոնստանտին Տեր-Նակալյանը:
Դիտարկմանը, թե կառավարության փոխանցմամբ դիտորդական առաքելություն իրակացնելու ցանկություն հայտնել են հենց այս երկու ՀԿ-ները, Տեր-Նակալյանը պատասխանեց.
«Ինչպե՞ս են հայտել, ե՞րբ է Կառավարութրյունը հայտարարել, որ այսինչ չափորոշինչներին համապատասխան ՀԿ-ները նման առաքելություն իրականցելու համար կարող են դիմել»:
Անդրադառնալով այն կարծիքներին, որ «սորոսական» կառույցներին պետական ֆինանսավորւմ հատկացնելու հարցում կառավարությունն այլ միտումներ ունի, Կոնստանտին Տեր-Նակալյանից հետաքրքրվեցին, թե ինչպես է մեկնաբանում այս քայլը.
«Իհարկե, մենք սրանում հեռահար նպատակներ ենք տեսնում՝ Արցախում իրավիճակը դեստաբիլիզացնելու և հասարակական պառակտման կետեր ստեղծելու: Առհասարակ համարում ենք, որ Նիկոլ Փաշինյանի իրականացրած պետական հեղաշրջումը այսպես ասած «փայատերեր» ունի, որոնցից մեկը այն օտարերկրյա գործակալական ցանցն է, որի բաղկացուցիչ մասը նաև Ջորջ Սորոսի միավորներն են: Սա կարող եմ որակել որպես այդ «փայատերերին» պատասխան ծառայություն մտուցելու միջոց: Այն ինչ երկար տարիներ չէր կարողանում անել Սորոսը՝ ուղակիորեն իր միավորներով մտնել Արցախ, հիմա անում է ՀՀ կառավարության միջոցով:
«Թրանսփարենսի ինթերնեշնլ»-ը չճանաչված հանրապետություններում դիտորդական առաքելություն իրականացնելու փորձ չունի: Որքանով ինձ է հայտնի, Ջորջ Սորոսն առհասարակակ չճանաչված հանրապետություններում գործունեություն ծավալելու համար ֆինանսավորում չի իրականացնում, գուցե և այլ կազմակերպությունների միջոցով իրակացնեն, բայց որ «Թրանսփարենսի ինթերնեյշնլը», «Բաց հասարակություններ հիմնադրամը» ուղակիորեն ներգրավվեն Աբխազիայում, Հարավային Օսիայում, Արցախում գործունեություն իրականացնելու համար, դա ինձ համար նորություն էր»,- ասաց նա:
Որպես ամփոփում վերջինս հավելեց՝ սովորաբար երկիրը ներսից քանդելու համար փողը դրսից է գալիս, մեզ մոտ կարծես որակական նոր մակարդակ է, երբ դրա համար գումարը երկրի ներսից են տրամադրում: Նման նախադեպի ինքս դեռ չեմ հանդիպել:
