Ամեն եզդի երեխա քնում է վախով. եզդիները լքում են Թուրքիան

ezdiՀազարավոր եզդի փախստականներ, լքելով Թուրքիան ուղևորվում են դեպի բուլղարական սահման, ամենամեծ արտագաղթը եղել է Դիարբեքիր քաղաքից: Բաթմանում և Նուսայբինում, թուրքական անվտանգության ուժերը կանխել են եզդիների զանգվածային արտագաղթը:
Ակտիվիստների հրապարակած հայտարարություններից մեկում ասվում է.
-Մենք չենք մտածում հայրենիք վերադառնալու մասին, տաս ամիս է անցել եզդիների ցեղասպանությունից, իսկ գերիների ճակատագիրը մնում է անորոշ: ԻՊ թալանեց մեր տները, ոչնչացրեց մեր սրբավայրերը, իսլամիստների նպատակն է հիմնահատակ ոչնչացնել եզդիներին , մեր կրոնն ու մշակույթը: Նրանք առևանգում են մեր կանանց ու շուկաներում վաճառքի ենթարկում: Եզդի կանայք, Սիրիայում ու Իրաքում համարվում են ստրկավաճառության նախագծի մի մաս: Ամեն եզդի երեխա քնում է այն վախով , որ չնկնի ահաբեկիչների ձեռքը և չենթարկվի վաճառքի:
Եզդիները կոչ են անում բոլոր իշխանություններին ընդունել փախստականներին.
-Եզդի երեխաներն արժանի են բարեկեցիկ , ազատ, հարմարավետ ու երջանիկ կյանքի: Մեր երեխաները ապրում են ծանր պայմաններում, իսկ մեր վիճակը գնալով վատթարանում է: Մենք հուսով ենք, որ միջազգային հանրությունը քայլեր կձեռնարկի մեր համայնքը փրկելու համար; Մեզանից շատերը կորցրել են հույսը , որ կվերադառնան տուն , հատկապես, երբ հաշվի են առնվում քաղաքական , անվտանգության ու հումանիտար խնդիրները Շանգալում: Թուրքիայում ապաստան են գտել 30.000 եզդի, յուրաքանչյուր ամեիս իրաքյան քուրդիստանից այստեղ են հայտնվում հազարավոր եզդիներ,իսկ հետո ուղևորվում դեպի ԵՄ: Շանգալի ցեղասպանության պատճառով յուրաքանչյուր երկրորդ եզդին գտնվում է փախուստի մեջ:

«Սինջար եզդիների ազգային միավորում» հասարակական կազմակերպության լրատվական կենտրոն

Դիտվել է 54 անգամ
 


Այս թեմայով