Home » ՆԵՐՔԻՆ ԿՅԱՆՔ » 285 միլիոն. Որտեղից նախկին միլիցիոներին այս կարողությունը

285 միլիոն. Որտեղից նախկին միլիցիոներին այս կարողությունը

61886Ազգային Ժողովի շատ պատգամավորներ կան որոնք իրենց հարստության մասին խոսելիս հայտարարում են, որ դա կուտակել են մինչև պատգամավոր դառնալը և օրենք չեն խախտել: Նման պատգամավորների թվին է դասվում Կարո Կարապետյանը` Յուվեցի Կարոն, որը ընտրվել է թիվ 94 ընտրատարածքից:

Ըստ Բարձրաստիճան պաշտոնատար անձանց էթիկայի հանձնաժողով ներկայացված հայտարարգրի Կարո Կարապետյանի և իր կնոջ դրամական ունեցվածքը կազմում է 285 միլիոն դրամ: Իհարկե հասկանալի է, որ սա պատգամավորի իրական ունեցվածքը չէ և իրականում այդ հարստությունը շատ ավելի մեծ է: Սակայն եկեք տեսնենք, թե ինչ աշխատանքով է Կարո Կարապետյանը կուտակել այս միջոցները և ինչ աշխատանքով է զբաղվել մինչև պատգամավոր դառնալը:

Կարո Կարապետյանը 1986-1990թթ. աշխատել է Մասիսի ՆԳ բաժնում` որպես քրեական հետախուզության օպերլիազոր, 1991-1994թթ.` Արտաշատի ՆԳ բաժնի  պետական ունեցվածքի բաժանմունքում` ավագ օպերլիազոր, 1995-1996թթ.` Էջմիածնի  ռեգիոնալ  վարչության քրեական հետախուզության բաժնում` պետի տեղակալ, 1997-2003թթ.` ՀՀ զինվորական դատախազի օգնական, այնուհետեւ ավագ օգնական, 2003-2007թթ.` Աշտարակի շրջանի ՆԳ բաժնի պետ:

Հ.Գ. Կարո Կարապետյանը իր կենսագրությամբ ևս մեկ անգամ ապացուցեց, որ ոստիկանությունը բավական եկամտաբեր աշխատանք է:

Դիտվել է 1,158 անգամ
Untitled-1 copy - Copy - Copy