ԱԱԾ-ն նոր պետ կունենա

 աաածՈրեւէ պաշտոնում նշանակելիս նաեւ տվյալ անձի համաձայնությունն է անհրաժեշտ:

«Հայկական ժամանակ» թերթը գրում է. «Այդ բոլոր խոսակցությունները անհեթեթություններ են, կգա ժամանակը, ամեն ինչ էլ կիմանաք»,-իր՝ ԱԱԾ տնօրեն նշանակվելու լուրերի մասին մեր թղթակցի հարցին երեկ այսպես է պատասխանել ԱԱԾ տնօրենի տեղակալ Արզուման Հարությունյանը:

Այդուհանդերձ՝ եթե ձեզ նման առաջարկ լինի, կընդունե՞ք՝ հարցին Հարությունյանը պատասխանել է. «Առաջարկ չի լինում, նշանակում է հանրապետության ղեկավարը, եւ հանրապետության ղեկավարը ում կնշանակի, նա իր պարտականությունները կկատարի»:
Նկատառմանը, որ որեւէ պաշտոնում նշանակելիս նաեւ տվյալ անձի համաձայնությունն է անհրաժեշտ, Արզուման Հարությունյանն արձագանքելն է. «Ես զինվորական եմ, այնտեղ էլ կաշխատեմ»:

ԱԱԾ գործող տնօրեն Գորիկ հակոբյանի պաշտոնավարման ժամկետը Ս. Սարգսյանի հրամանագրով երկարաձգվել է մինչեւ 2016թ. փետրվարի 11-ը: Տեւական ժամանակ է քաղաքական շրջանակներում խոսակցություններ կան, որ այդ ժամկետը լրանալուց հետո հենց ՍԴ նախագահ Գագիկ Հարությունյանի եղբայրը՝ ԱԱԾ տնօրենի տեղակալ Արզուման Հարությունյանն է նշանակվելու ԱԱԾ տնօրեն»:

Առավել մանրամասն՝ թերթի այսօրվա համարում

 


Այս թեմայով