Home » ՆԵՐՔԻՆ ԿՅԱՆՔ » «Հիմնադիր խորհրդարանը» եւ «Սասնա Ծռերը»՝ «1000-դրամ» նախաձեռնության մասին

«Հիմնադիր խորհրդարանը» եւ «Սասնա Ծռերը»՝ «1000-դրամ» նախաձեռնության մասին

voxbam-qezhay-azg-hayk-marutyann-andradardzel-dramahavaqautyan-hrraparakel-pashtpanutyan-naxarar-vigen-sargsyan-caxrankarnԶինծառայողների եւ նրանց ընտանիքների անդամների ապահովագրման նպատակով աշխատող անձանցից 1000-ական դրամ գանձելու վերաբերյալ նախաձեռնությունը Սերժ Սարգսյանի վարչախմբի եւ ամբողջ կառավարող վերնախավի ճղճիմ էությունը ուդավաճանական նպատակները բացահայտող համակարգային դրսեւորում է: Այս մասին հայտարարություն են տարածել «Հիմնադիր խորհրդարանը» եւ «Սասնա Ծռեր» խումբը:

Հայտարարությունում նաեւ ասվում է.

«Նշված նախաձեռնությամբ ապազգային ու մակաբույծ այդ մարդակույտը բացառիկ ցինիկությամբ խոցում է մեր արժանապատվությունը եւ քաղքենիական լկտիությամբ փորփրում իր ընչաքաղցության ու դավաճանության պատճառով ապրիլյան քառօրյայի ժամանակ մեզ հասցված մարդկային, բարոյական, տարածքային ու նյութական կորուստների վերքերը:

Սակայն այս չարաբաստիկ նախաձեռնության վնասը չի սահմանափակվում միայն մեր ժողովրդին վիրավորելով ու նրան ցավ պատճառելով: Եվ գաղութային վարչակազմի այդ քայլը ընդամենը նրա ղեկավարության ապիկարության ու հանցավորության արդյունք չէ եւ չի կարող բացատրվել միայն թալանած հարստությունից ու այդ թալանն ապահովող կոռուպցիոն համակարգից չհրաժարվելու նրա շահագրգռվածությամբ: Իրականությունը շատ ավելի մտահոգիչ է:

Տեղական դավաճանները Կրեմլի վերահսկողությամբ իրագործում են համակարգված ծրագիր, որի նպատակն է ապակազմակերպել ազգը, ապաինստիտուցիոնալացնել պետությունը եւ թուլացնել նրա պաշտպանունակությունը:

Օտարին ծառայող վարչախումբը բավարար պսշտպանունանության կարողություններ զարգացնելու փոխարեն բանակը պահելու եւ Արցախը պաշտպանելու հավելյալ բեռ է դնում ժողովրդի ուսերին եւ ակնհայտորեն ցույց է տալիս այն հետզհետե ծանրացնելու՝ հասարակության համար անընդունելի հեռանկար, ինչի միջոցով փորձում է հոգեբանական նոր զենք կիրառել քաղաքացիների նկատմամբ եւ հանրային գիտակցության մեջ ընդունելի դարձնել ինքնիշխանության զիջումների եւ ազատագրված տարածքների հանձնման իր դավաճանական քաղաքականությունը:

Մինչդեռ ակնհայտ է, որ այդ բեռը կտրուկ կթեթեւանար, եթե քրեաօլիգարխիկ ոստիկանապետության մակաբույծ կառուցվածքների պարարտացմանը ծառայող միջոցներն ուղղվեին բանակի կարիքներին:

Վերոնշյալ ծրագրին են ծառայում նաեւ ՀՀ ինքնիշխանությունը, նրա զինված ուժերի համակարգերն ու տնտեսության ռազմավարական բաղադրիչները Ռուսաստանի վերահսկողությանը հանձնելուն զուգահեռաբար ազգային-ռազմավարական գաղափարները (Նոր որակի հայկական պետություն, Ազգ-բանակ, ազգային տուրք եւ այլն) եղծելու եւ արժեզրկելու գործողությունները: Պակաս քայքայիչ չէ ղեկավար պաշտոններում կերպարային առումով դրանց չհամապատասխանող անձանց, տվյալդեպքում` Վիգեն Սարգսյանի նշանակումը:

Դժվար չէ հասկանալ, որ ժողովուրդը կարող է օտարանալ Հայրենիքի պաշտպանությունից եւ բանակից, եթե ղեկավարությունն ունի հանցագործի ու դավաճանի համբավ, ժողովրդին կեղեքելով ու երկիրը թալանելով իր ձեռքում է կուտակել եւ հիմնականումերկրից արտահանել է մի քանի տասնյակ միլիարդ ԱՄՆ դոլարի հասնող գումարներ, մարդկսնց մատնել է թշվառության, անապահով ընտանիքների զավակների կյանքի հաշվին իր զավակներին հեռու է պահում զինվորական ծառայությունից, փաստացիուրանում ու ժխտում է իր զավակներին բանակ ուղարկելու, բյուջե ձեւավորելու, այդ նույն բյուջեն թալանելու հետեւանքով իր զինվորի հագուստի, հանդերձանքի, սննդի եւ բուժման ծախսերի պակասող մասը լրացնելու ձեւերով ժողովրդի կատարած ամենօրյազոհաբերությունը եւ, այս ամենից հետո, դրամաշորթի լկտիությամբ այդ նույն ժողովրդին կանգնեցնում է բանակը պահելու եւ Արցախը պաշտպանելու համար հավելյալ  բեռ կրելու այլընտրանքի առջեւ:

Մեր ժողովրդին հորդորում ենք զգոն լինել Կրեմլի գաղութատիրական ծրագիրն իրագործող Սերժ Սարգսյանի, գործուղված էմիսար Կարեն Կարապետյանի կառավարության, այդ թվում Վիգեն Սարգսյանի նման պալատական հաճկատարների նախաձեռնությունների նկատմամբ եւ ուժերը կենտրոնացնել հանուն ազգային պետություն ստեղծելու գաղութային վարչակազմին հեռացնելու նպատակով ընդվզման ուղղությամբ:

Մենք ենք տերը մեր երկրի»:

Դիտվել է 899 անգամ
Untitled-1 copy - Copy - Copy