Home » Real Politik » Հերմինե Նաղդալյանը փչացնում է ՀՀԿ-ականներին

Հերմինե Նաղդալյանը փչացնում է ՀՀԿ-ականներին

Նաղդալյան1ԱԺ փոխնախագահ Հերմինե Նաղդալյանի մասին անվերջ կարելի է գրել։ Նա ու իր հանրահայտ վաշխառու ամուսինը լրագրողական նյութերի հրաշալի աղբյուր են։
Սակայն մեր այսօրվա ասելիքն այն մասին է, թե ԱԺ ընտրություններին ընդառաջ ՀՀԿ-ական տիկինը ինչպիսի՞ հմտությամբ է փչացնում իր կոնկուրենտ ՀՀԿ-ական տղամարդկանց։
Բանն այն է, որ ԱԺ-ում ապրիլյան պատերազմից հետո բացվել է հիմնադրամ՝ զոհված եւ վիրավոր ազատամարտիկների ընտանիքների օգնելու, եւ կամավոր-պարտադիր սկզբունքով ԱԺ աշխատակազմից ու պատգամավորներից հոկտեմբեր ամսից սկսյալ գանձվել են գումարներ։ Եւ ահա մեր մեծահարուստ տիկինը, ով այդ հիմնադրամին փոխանցել է իր մեկ օվա ընդմիջման փողը՝ 466 հազար 390 դրամ, գերագույն հաճույքով նյութեր է պատվիրում իր հանրապետական գործընկերների դեմ՝ հատուկ նշել տալով, որ վերջիններս ուղղակի խղճուկ գումարներ են փոխանցել նշյալ հիմադրամին։ Օրինակ, օր մյուս ՀՀԿ-ական փոխնախագահ Էդուարդ Շարմազանովը, ով նոր խորհրդարանում ԱԺ նախագահ դառնալու հավակնություն ունի, նույն այդ հիմնադրամին փոխանցել է 9260 դրամ, իսկ ԱԺ նախագահ Գալուստ Սահակյանը՝ ընդամենը 11 հազար 910 դրամ։ Ձեռքի մի հարվածով փչացնելով իր հետ վերեւում նստողներին, Նաղդալյանը իջնում է ներքեւ ու սկսում փչացնել արդեն ներքեւում նստած ՀՀԿ-ականներին՝ Հովհաննես Սահակյանին, Արտակ Զաքարյանին, Արտակ Դավթյանին, Հակոբ Հակոբյանին, ովքեր հիմնադրամին փոխանցել են ընդամենը մինչեւ 10 հազար դրամ։ Դա էլ բավական չէ, Նաղդալյանը փչացնում է նաեւ գործարար պատգամավորներին՝ Սամվել Ալեքսանյանին, Մհեր Սեդրակյանին,Ալիկ Պետրոսյանին, Բուռնաշին, մատնացույց անելով, որ, օրինակ, թասիբից ու արժանապատվությունից խոսացող Սեդրակյանը «Զինվոր» հիմնադրամին փոխանցել է ընդանմենը 5040, իսկ մուլտիօլիգարխ Սամվել Ալեքսանյանը՝ ընդամենը 5670 դրամ։ Սա, ի պատասխան այն հրապարակումների, որ Նաղդալյանը նաեւ օլիգարխ է։
Հերմինե Նաղդալյանի համար կարևոր է ընտրություններից առաջ ՀՀԿ ցուցակը կազմող Սերժ Սարգսյանը տեսնի ու հասկանա, թե ո՞վ է իրական հայրենասերն ու բանակին նվիրված հայ հանրապետական պատգամավորը։ Անունը բարձր ու վսեմ՝ Հերմինե Նաղդալյան։
Ցուցակը կազմելուց՝ սեփական թիմակիցներին փչացնելն ու իր ընդմիջման փողը բոլորի աչքը կոխելը հաստատ պետք կգա։

 

Untitled-1 copy - Copy - Copy