Home » ՆԵՐՔԻՆ ԿՅԱՆՔ » «Ես վերցնում եմ լսափողը, զանգում եմ Ալիեւին». Սերժ Սարգսյան

«Ես վերցնում եմ լսափողը, զանգում եմ Ալիեւին». Սերժ Սարգսյան

սերժ ինքնաթիռԵս հանդես եմ գալիս Երեւանի եւ Բաքվի միջեւ «թեժ գիծ» ստեղծելու օգտին՝ Լեռնային Ղարաբաղում շփման գծում իրադարձություններին օպերատիվ արձագանքելու համար: Այս մասին «Ռուսաստան այսօր» միջազգային տեղատվական գործակալության գլխավոր տնօրեն Դմիտրի Կիսելյովի հետ հարցազրույցում հայտարարել է Սերժ Սարգսյանը:

Այս հայտարարությունն ադրբեջանական լրատվամիջոցների աչքից չի վրիպել եւ նրանք անդրադարձել են այս հայտարարությանը, ցիտելով Սերժ Սարգսյանին:

«Ենթադրենք՝ շփման գծում ինչ-որ մեկը կրակում է, եւ մեր տեղեկություններով՝ ադրբեջանցիներն են կրակում, ես լսափողը վերցնում, զանգահարում եմ Ադրբեջանի նախագահին եւ ասում եմ՝ «կրակում են»: Եվ նա իսկապես ստուգում է»,- ասել է Սարգսյանը:

Նրա խոսքով՝ ինքը «դեմ չէր լինի» Երեւանի եւ Բաքվի միջեւ այդպիսի թեժ գծի ստեղծմանը:

«Ես պատրաստ կլինեի հսկողություն սահմանել եւ ճշգրիտ ասել՝ մերոնք կրակում են կամ չեն կրակում, իհարկե՝ նույնպիսի վերաբերմունք սպասելով ադրբեջանական ղեկավարության կողմից»,- նշել է նա՝ հավելելով, որ 1990-ական թվականներին եղել է «թեժ գիծ» ստեղծելու փորձ:

«Նման փորձ մենք ունեցել ենք դեռեւս 1990-ական թվականների սկզբին, այդ ժամանակ ես Հայաստանի պաշտպանության նախարարն էի, եւ մենք Ադրբեջանի պաշտպանության նախարարի հետ ուղիղ կապ ունեինք: Մենք կարողանում էինք այդպիսի արտակարգ դեպքերում, երբ արտակարգ կապ էր անհրաժեշտ, միմյանց հետ կապվել: Բայց հիմա դա գոյություն չունի»,- պարզաբանել է նա:

Դիտվել է 893 անգամ
Untitled-1 copy - Copy - Copy