Օսկանյան-Փաշինյան կոնֆլիկտ է հասունանում. «ՀԺ»

Օսկանյան-Փաշինյան«Հայկական ժամանակ» թերթը գրել էր, որ ՀՀ նախկին արտգործնախարար Վարդան Օսկանյանին պատկանող «Համախմբում» կուսակցության Գյումրու տարածքային կառույցի փոխնախագահ Նարեկ Հովհաննիսյանը սպառնացել է «Քաղաքացիական պայմանագիր» կուսակցության Գյումրու համամասնական ցուցակի անդամ Լուսինե Առաքելյանին։ Վերջինս, ըստ լրատվամիջոցի, քննադատել է Նարեկ Հովհաննիսյանին « Ինչքան ուզենք, էնքան կխփենք» արտահայտության համար։

«Իրավունքը» «Համախմբում» կուսակցության մամլո խոսնակ Արեգնազ Մանուկյանին հարցրել է՝ կուսակցությունն ինչպես է արձագանքում այս երևույթին։ «Դա ֆեյսբուքյան անձնական գրառում է եղել, և դրան այդքան մեծ արձագանք տալ, կարծում ենք, որ կարիք չկա»։

«Համախմբում» կուսակցության անդամ, քոչարյանամետ պատգամավոր Վահե Հովհաննիսյանն էլ, թերթի հետ զրույցում ասել է, որ ՏԻՄ ընտրություններով չի զբաղվում։ «Ունենք շտաբի պետեր, պատասխանատուներ, որոնց հետ կարող եմ կոնտակտ ստեղծել»,- ասել է Հովհաննիսյանը։ «Համախմբում»-ի անդամը հավաստիացրել է՝ իրենք սպառնացող թայֆաներից չեն, սպառնալիքն էլ՝ անկախ ամեն ինչից, ճիշտ չի համարում։

Հիշեցնենք, որ օրեր առաջ Նիկոլ Փաշինայնը հայտարարեց՝ «Վարդան Օսկանյանը Սերժ Սարգսյանի գլխավոր անձանցից է»։

Դիտվել է 190 անգամ
 


Այս թեմայով