Փետրվար-մարտ ամիսներին լուրջ հարձակում կլինի Կարապետյանի նկատմամբ

Մամուլում հետզհետե թեժանում են հրապարակումները այն մասին, որ Կարեն Կարապետյանի կառավարությունը տապալվել է և նրա ժողովրդականությունը պակասում է: Շատերը կարծում են, որ նման տեմպի դեպքում Կարապետյանի կառավարությունը շատ արագ կդառնա քավության նոխազ ու ստիպված կլինի հրաժարական տալ:

 

Politik.am-ը Կարեն Կարապետյանի կառավարության հետ կապվող այս խոսակցությունների մասին զրուցեց ԱԱԾ պետի նախկին տեղակալ Գուրգեն Եղիազարյանի հետ, ով ամիսներ առաջ լրատվականներից մեկի հետ զրույցում հույս էր հայտնել, որ Կարեն Կարապետյանի կառավարությունը դրական փոփոխություններ կբերի, եթե ՀՀԿ-ն չխանգարի.«Ասեմ հետևյալը ես 2 ամիս առաջ հայտարարել եմ, որ հոկտեմբերի վերջին լրջագույն խնդիրների առաջ է կանգնելու Կարեն Կարապետյանը, վերջին անգամ էլ դրա մասին ասել եմ 15-20 օր առաջ Հայելի ակումբում, որ մամուլը հարձակում է գործելու Կարեն Կարապեյանի վրա: Ես գտնում եմ, որ դա ծրագրված է Բաղրամյան 26-ի կողմից և ծրագիրը այժմ իրականացվում է»,-ասաց Եղիազարյանը:

Նա կարծում է , որ եթե ապրիլ ամսին որոշեն ազատվել Կարեն Կարապետյանից, ապա շատ վատ է լինելու Բաղրամյան 26-ի համար.«ՀՀԿ-ն 50-60 տոկոս նրա հաշվին եկավ պառլամենտ: «Մավրը արեց իր գործը մավրը պետք է հեռանա» խորագրի տակ: Հիմա արդեն պատեհ անպատեհ խոսում են հրաժարականի մասին: Սրանից 3-4 ամիս առաջ Սերժ Սարգսյանը գնաց կառավարությունում երդում պատարագ կերավ, որ ոչ մի բան չկա, աշխատում են իրար հետ, սկսվեց նոր ալիք, հետո նոր ալիք կլնի հետո` նորը: Իսկ վերջնական զարգացումները կլինեն փետրվար մարտ ամիսներին, հիմա բան չի լինի, հիմա ուղղակի հող են նախապատրաստում փետրվար-մարտ ամիսների համար»,-ասաց Գուրգեն Եղիազարյանը:

 


Այս թեմայով