Տրանսպորտի նախարարության շենքն աճուրդի կհանվի

captureaaa.thumbՀՀ կառավարությունը հոկտեմբերի 6-ի նիստի ընթացքում որոշել է աճուրդի հանել Հանրապետության հրապարակում գտնվող Տրանսպորտի և կապի նախարարության շենքը:

Աճուրդի մեկնարկային գին է սահմանվել 13.223.413.600 դրամը՝ ավելի քան $27.9 մլն դոլար:

Գնորդը, մասնավորապես, պարտադրվում է գույքի հանձնում-ընդունումից հետո՝ օրենսդրությամբ սահմանված կարգով պատմության և մշակույթի հուշարձանների պահպանության բնագավառի լիազորված մարմնին տալ հուշարձանի պահպանական պարտավորագիր:

Գնորդի պարտավորություններից է նաև գույքի օգտագործման նպատակի և բնույթի փոփոխումները համաձայնեցնել պատմության և մշակույթի հուշարձանների պահպանության բնագավառում լիազորված մարմնի հետ, իսկ ներդրումների իրականացմամբ հուշարձանի փոփոխումը՝ միայն լիազորված մարմնի եզրակացության հիման վրա՝ Հայաստանի Հանրապետության կառավարության թույլտվությամբ:

Ըստ որոշման, վաճառքի գումարից 70%-ը կուղղվի ՀՀ պետբյուջե, 30%-ը՝ Երևանի բյուջե:

 


Այս թեմայով