Home » ՄԱՄՈՒԼ » Սուրիկ Խաչատրյանը «քցել» է իր բանվորներին

Սուրիկ Խաչատրյանը «քցել» է իր բանվորներին

Սուրիկ Խաչատրյանի դեմ մահափորձը տարակուսանքի մեջ է գցել ՀՀԿ-ականներին«Շրջանառվող լուրերի համաձայն՝ Սյունիքի մարզպետ Սուրիկ Խաչատրյանի՝ Երևանում կառուցված շքեղ առանձնատան շինարարության վրա աշխատած բանվորներին չի հաջողվել իրենց գումարներն ամբողջությամբ ստանալ։ Հիշեցնենք, որ մարզպետի առանձնատունը գտնվում Է Հաղթանակ զբոսայգու ներքևի մասում, այսպես կոչված՝ Մոնումենտի բլրին։ «Ժողովուրդ»–ը տեղեկացավ որ առանձնատան շինարարությանը մասնակցած արհեստավորներից մի քանիսը, որոնք իրենց խոստացված գումարն ամբողջության չեն ստացել, օրերս գնացել են Խաչատրյանի առանձնատուն, որպեսզի հանդիպեն տան տերերի հետ և ճշտեն, թե իրենց գումարները երբ են ստանալու։ Սակայն պարզվել է, որ մարզպետը և նրա ընտանիքի անդամները այդ տանը գրեթե չեն լինում, ամեն դեպքում, առանձնատան պահակակետում արհեստավորներին ասել են, որ նրանց ոչնչով չեն կարող օգնել։ «Ժողովուրդ»–ը լուրերի իսկությունը փորձեց պարզել Սուրիկ Խաչատրյանից, սակայն նա, լսելով հարցը, զայրացած ասաց, որ դրանք սուտ են, և որ դրանք տարածողներն այդպես փորձում են իրեն վարկաբեկել»,–գրում է թերթը։

Մանրամասները՝ <Ժողովուրդ> թերթի այսօրվա համարում։

Դիտվել է 390 անգամ
Untitled-1 copy - Copy - Copy