Սկանդալային ժողովի ցուցումը Էրդողանն էր տվել

231864561396076633Թուրքիայի իշխող «Արդարություն ևզարգացում» կուսակցության (ԱԶԿ) նախընտրական հանրահավաքի ժամանակ Էրդողանի ձայնը քաշված լինելու պատճառով վերջինիս փոխարեն ելույթ է ունեցել Թուրքիայի ԱԳ նախարար Ահմեթ Դավութօղլուն: Դավութօղլուն, ով երեկվա իտերնետում հայտնված գաղտնալսման պատճառով հայտնվել էր սկանդալի կենտրոնում անդրադարձել է նաևնշյալ ձայնագրությանը:

Թուրքական «Ջումհուրիյեթ» էլեկտրոնային պարբերականի հաղորդմամբ՝ նախարարը Դավութօղլուն այդ ձայնագրության համար մեղադրել է Գյուլենական համայնքին կամ ինչպես ԱԶԿ-ականներն են անվանում զուգահեռ կառույցին: Նա մեղադրել է Գյուլենական համայնքին իշխող կուսակցությանը վարկաբեկելու նպատակով Թուրքիայի Անվտանգության խորհրդի ու վարչապետի ցուցումով անցկացված խորհրդակցությանը միջամտելու մեջ:

Դավութօղլուն մասնավորապես ասել է. «Նողկալի ձայնագրությամբ փորձել են խցկվել պետեկան գաղտնիքի մեջ: Ազգային անվտանգության խորհրդի և վարչապետի ցուցումով անցկացված խորհրդակցությանն են միջամտել, բայց չեն կարող կանգեցնել: Ո՛չ զուգահեռ կառույցը, ո՛չ կամակատարները, ո՛չ էլ արտաքին բարեկամները չեն կարող խոչընդոտել Թուրքիայի վերելքին»: Այս մասին գրում է Ermenihaber-ը:

Հիշեցնենք, որ երեկ «YouTube» կայքում տեղադրվել էր գաղտնի հանդիպման ձայանագրություն, որտեղ Թուրքիայի արտաքին գործերի նախարար Ահմեթ Դավութօղլուն, ԱԳՆ քարտուղարության պետ Ֆ. Սինիրլիօղլուն, Ազգային հետախուզական ծառայության ղեկավար Հ. Ֆիդանը, ԳՇ պետի տեղակալ Յ. Գյուլերը քննարկում են մարտի 23-ին Թուրքիայի կողմից սիրիական ինքնաթիռի խոցվելուց հետո Սիրիայի դեմ հնարավոր ռազմական գործողությունների պլանը:

Դիտվել է 37 անգամ
 


Այս թեմայով